Ál-Azhar jańa Papanyń tusynda Vatıkanmen qatynasyn jaqsartýdy kózdeıdi
ASTANA. 17 naýryz. QazAqparat - Súnnıttik ıslamnyń aldyńǵy qatarly ortalyǵy bolyp tabylatyn ál-Azhar meshiti men ýnıversıteti osyndaı málimdeme jasady.
Middle East Online habarlaǵandaı, bul jaıynda ál-Azhar bas ımamynyń dinaralyq ister jónindegi keńesshisi Ahmet ál-Taıyp Mahmýd Azab málim etken.
Ol 2011 jyldyń bas kezinde úzilip qalǵan Vatıkanmen aradaǵy dıalogty qalpyna keltirýge nıetti ekenin jetkizdi. Sonymen birge, katolıkterdiń shirkeýi men jamaǵatyn jańa jetekshilerimen quttyqtady.
Tek ál-Azhar ortalyǵy ǵana emes, sonymen birge, álem musylmandary argentınalyq kardınal Horhe Marıo Bergolony (Jorge Mario Bergoglio) Rım-Katolık shirkeýiniń Papasy bolyp saılanýymen quttyqtap jatyr. Bul jaıynda OnIslam habar taratty. Jańa Rım Papasyn quttyqtaǵandardyń arasynda Amerıka-Islam qatynasy jónindegi keńestiń dırektory Nıhad Avad (Nihad Awad) bar. Ol óziniń quttyqtaýynda: «Biz beıbitshilik, ádilettilik úshin onyń musylman qaýymymen yntymaqtastyǵyndaǵy kez kelgen bastamasyna qoldaý bildiremiz»,- dep málimdedi.
muslim.kz saıtynyń jazýynsha, 76 jastaǵy Bergolonyń Latyn Amerıkasynan alǵash ret saılanyp otyrǵan tulǵa ekenin aıta ketý kerek.
Ol taqýalyǵymen jáne konservatıvtik kózqarasymen tanymal bolǵan adam. 2010 jyly bir jynystylardyń nekesine narazylyq tanytqan bolatyn.
