«Ál-Azhar» professory zardap shekken elshilikterge qatysty pátýa shyǵardy
ASTANA. 18 qyrkúıek. QazAQparat - «Musylman baýyrlar» qozǵalysy jetekshileriniń biri, «Ál-Azhar» ýnıversıtetiniń dinder negizi fakýltetiniń dekany, professor Abdýl Rahman ál-Bar «sheteldik elshilikterge shabýyl jasaý - haram» degen pátýa shyǵardy.
Bul jaıynda QMDB saıtyndaǵy málimetterde aıtylǵan.
«Sharıǵat boıynsha biz elimizdegi shetel elshilikterin ár túrli basqynshylyqtardan qorǵaýymyz kerek», - deıdi ol.
Sondaı-aq, ózge ǵalymdar da Feısbýk betterinde «elge kelgen árbir sheteldik bizdiń qamqorlyǵymyzda bolady. Bizdiń mindet - olardyń qaýipsizdigin qamtamasyz etý. Olarǵa qarsy shabýyl jasaý, bárimizge shabýyl jasaý dep bilý kerekpiz», - degen pikirler aıtyp, Abdýl Rahman ál-Bardyń pátýasyn qoldap jatyr.
Abdýl Rahman ál-Bar Lıvııada qaza tapqan Amerıka elshisiniń ólimin qylmys dep baǵalady. «Al pastor Terrı Djons pen kopt Morıs Sadekke kelsek, olar ulttar arasyna ot salýshylar. Sondyqtan da, olarǵa tosqaýyl bolýymyz qajet», - deıdi ǵalym.
