«Ál-Aın» Baýyrjan Islamhanǵa kelisimshart merzimin uzartýǵa usynys jasady
NUR-SULTAN. QazAqparat - Fýtboldan Birikken Arab ámirliginiń «Ál-Aın» komandasy qazaqstandyq Baýyrjan Islamhanǵa kelisimshart merzimin uzartý jóninde usynys bildirdi, dep habarlaıdy QazAqparat tilshisi.
Komandanyń bas bapkeri Pedrý Emanýel oıynshylary qatarynda Baýyrjan Islamhandy da saqtap qalýǵa nıet bildirdi. Qazir atalǵan ujym aldaǵy oqý-jattyǵý jıyny jónindegi daıyndyǵyn pysyqtap jatyr.
Komanda saıtynda jarııalanǵan habarlamada bas bapkerdiń Baýyrjan Islamhanǵa usynys bildirý jónindegi pikiri aıtylǵan. Eger ol atalǵan klýbtan ketken jaǵdaıda ornyna ózge fýtbolshyny tartý máselesi qarastyrylady.
Oqý-jattyǵý jıyny Birikken Arab ámirliginen tysqary jerde ótkiziledi dep josparlanyp otyr. Qazir onda aýa raıy óte ystyq. Munda el chempıonaty tamyz aıynda qaıta jalǵasady.
Eske sala ketsek, Baýyrjan Islamhan «Ál-Aın» quramyna qańtar aıynyń sońynda qosyldy. On oıynda jasyl alańǵa shyqty. Naýryz aıynda bir gol soǵyp, úsh márte nátıjeli pas berdi. Onyń qazirgi kelisimsharty 30 maýsymǵa deıin jaramdy.
