Ál - Aqsa meshitiniń ımamy Syr elinde qonaqta boldy

QYZYLORDA. QazAqparat-QMDB-nyń Qyzylorda oblysy boıynsha ókildigi, ortalyq «Aqmeshit-Syrdarııa» meshitinde Ál - Aqsa meshitiniń ımamy Sheıh Nadjıh Bkerat qonaqta boldy. Bul týraly QazAqparat HAA tilshisi habarlady ortalyq meshitke silteme jasap.

Jalpy Ál-Aqsa musylmandardyń júreginde erekshe orynǵa ıe -Islamnyń úshinshi qasıetti mekeni. Osy jerge Alla elshisi (Allanyń oǵan ıgiligi men sálemi bolsyn) Isra men Mıǵraj saparynda aparylǵan bolatyn.

Osy mekennen Syr eline tuńǵysh ret kelgen Sheıh Nadjıh Bkerat ortalyq meshit tynysymen tanysyp, ókil ımam Omarov Talǵat Seıitkárimulymen kezdesti.

Óz kezeginde ókil ımam qonaqqa qasıetti Quran Kárimdi, jaınamaz, táspi jáne ulttyq úlgidegi qalamdy syıǵa tartty.

Sheıh Nadjıh Bkerat meshit qyzmetine rızashylyǵyn bildirip, bas ımam Talǵat Seıitkárimulynyń eńbegine, qyzmetine bereke tilep, duǵa jasady.

Sondaı-aq, sol kúni uıymdastyrylǵan qalalyq «Qalmuhammed ıshan» meshitindegi Máýlit merekesine qatysty.

Syr elindegi Máýlitke qatysqan Sheıh Nadjıh Bkerat el tynyshtyǵy úshin duǵa etti.