Aqjúrek Tańatarov jańa qyzmetke taǵaıyndaldy
ASTANA. KAZINFORM – 2012 jyly XXX London olımpıadasynda erkin kúresten qola medalǵa qol jetkizgen sportshy Aqjúrek Tańatarov jańa qyzmetke taǵaıyndaldy.
Naqtyraq aıtsaq, Jambyl oblysy ákimdiginiń dene shynyqtyrý jáne sport basqarmasynyń «№7 oblystyq mamandandyrylǵan balalar- jasóspirimder sport mektebi» KMM basshysy bolyp Tańatarov Aqjúrek Dostyquly taǵaıyndaldy.
Tańatarov 1986 jyly 03 qyrkúıekte dúnıege kelgen. Ulty qazaq, bilimi joǵary. 2010 jyly Q.A. ıAssaýı atyndaǵy Halyqaralyq qazaq-túrik ýnıversıtetin «Dene shynyqtyrý jáne sport» mamandyǵy, 2013 jyly Q.A. ıAssaýı atyndaǵy Halyqaralyq qazaq-túrik ýnıversıtetinde «Quqyqtaný» mamandyǵy, 2015 jyly Q.A.ıAssaýı atyndaǵy Halyqaralyq qazaq-túrik ýnıversıtetin «Memlekettik jáne jergilikti basqarý» mamandyqtary boıynsha bilim alǵan.
Eńbek jolyn 2006 jyly Astana qalasynda QR Týrızm jáne sport mınıstrligi sport komıtetiniń «Ulttyq shtattyq komandalar jáne sport rezervi» RMKQ nusqaýshy- sportshy;
2011 jyly Astana qalasynda QR Týrızm jáne sport mınıstrligi sport komıtetiniń «Ulttyq shtattyq komandalar jáne sport rezervi» RMKQ nusqaýshy-sportshy;
2017 jyly Astana qalasy, QR Mádenıet jáne sport mınıstrligi Sport jáne dene shynyqtyrý isteri komıtetiniń «Ulttyq shtattyq komandalar jáne sport rezervi» RMKQ nusqaýshy-sportshy;
2018 jyly Taraz qalasynda «Jambyl oblysy ákimdiginiń dene shynyqtyrý jáne sport basqarmasy №5 oblystyq mamandandyrylǵan balalar-jasóspirimder sport mektebi basshysy;
2021 jyly Taraz qalasy «Jambyl oblysy ákimdiginiń dene shynyqtyrý jáne sport basqarmasy Olımpıadalyq rezervtiń oblystyq mamandandyrylǵan mektep-ınternat-kolledji» KMM basshysy;
2023 jyly Taraz qalasy «Jambyl oblysy ákimdiginiń dene shynyqtyrý jáne sport basqarmasy buqaralyq-sporttyq sharalar ótkizý ortalyǵy» KMM basshysy;
2023 jyly Jambyl oblysy ákimdiginiń dene shynyqtyrý jáne sport basqarmasy buqaralyq-sporttyq sharalar ótkizý ortalyǵy» KMM basshysy;
2024 jyly Jambyl oblysy ákiminiń sportty damytý jónindegi keńesshisi qyzmetterin atqarǵan.
