Aqjúrek Tańatarov Almaty oblysy dene shynyqtyrý sport basqarmasynyń tizginin ustaıdy

ASTANA. KAZINFORM  - Qazaqstan Respýblıkasy Týrızm jáne sport mınıstrligi janyndaǵy óńirlik sport basqarmalarynyń basshylaryn taǵaıyndaý jónindegi komıssııanyń kezekti otyrysy ótti. 

Jıynda Almaty oblysynyń dene shynyqtyrý jáne sport basqarmasynyń basshysy laýazymyna usynylǵan úmitker qaraldy. Onda erkin kúresten London Olımpıadasynyń qola júldegeri Aqjúrek Tańatarovtyń kandıdatýrasy jan-jaqty talqylandy. Nátıjesinde oǵan komıssııa músheleri kelisim berdi.

Qazirgi kezde Aqjúrek Tańatarov Jambyl oblysy ákimdiginiń dene shynyqtyrý jáne sport basqarmasy №7 oblystyq mamandandyrylǵan balalar-jasóspirimder sport mektebiniń basshysy qyzmetin atqarady. 

Úmitkerdiń sport salasyndaǵy kásibı tájirıbesi, basqarýshylyq qabileti jáne óńirdegi sportty damytýǵa qatysty ustanymy komıssııa tarapynan jan-jaqty zerdelenip, oń sheshim qabyldandy.

Kandıdattardy jergilikti atqarýshy organdar usynady, al taǵaıyndaý tek QR Týrızm jáne sport mınıstrligi janyndaǵy komıssııanyń maquldaýynan keıin júzege asyrylady.

Aqjúrek Tańatarov 1986 jyly dúnıege kelgen. 2012 jyly London Olımpıadasyn men 2017 jyly álem chempıonatynda qola júldeger atandy. Al, 2017 jyly Azııa chempıony ataǵyn jeńip aldy.

Eske salsaq, ótken jyldyń jeltoqsan aıynda bokstan Olımpıada chempıony Baqtııar Artaev Qyzylorda oblysynyń dene shynyqtyrý, sport jáne týrızm basqarmasyna basshy bolyp taǵaıyndaldy.