«Aqjaıyq» jáne «Aqtóbe» fýtbol klýbtarynyń dırektorlary qyzmetinen ketti
«Aqjaıyq» fýtbol klýbynyń baspasóz qyzmetinen túsken málimetke qaraǵanda, Azamat Shaıhy óz erkimen ornyn bosatýdy uıǵardy.
Azamat Erboluly 2018 jyldan beri dırektor qyzmetin atqaryp keldi. Onyń basshylyǵymen «Aqjaıyq» ótken jylǵy maýsymda premer-lıgada toǵyzynshy orynǵa ıe boldy. Bul - komanda tarıhyndaǵy eń joǵary jetistikterdiń biri.
«Óz josparym boıynsha osyndaı sheshim qabyldadym. Basqalaı sebep joq. «Aqjaıyqqa« tabys tileımin», dedi QazAqparat tilshisine Azamat Shaıhy.
Sondaı-aq taǵy bir qazaqstandyq maman Erlan Jamantaevtyń «Aqtóbe» fýtbol klýbynyń dırektory qyzmetinen ketkenin komandanyń bas bapkeri Andreı Karpovıch málim etti.
E.Jamantaev ótken jyldyń 25 mamyrynan beri basshylyq etti.
Ótken týrda «Astanany» 4:1 esebimen oısyrata utqan «Aqtóbe» 23 upaımen týrnır kestesinde úshinshi orynda keledi. Ýkraınalyq maman Vladımır Mazıar jattyqtyratyn «Aqjaıyq» 12 upaımen 13-satyda tur, komanda qatarynan jeti týr boıy jeńiske jetken joq.
Kelesi týrda «Aqtóbe» Qaraǵandyda «Shahtermen», «Aqjaıyq» Almatyda «Qaıratpen» oınaıdy.
