«Aqjaıyq» taǵy bir ýkraınalyq fýtbolshyny quramaǵa aldy
ORAL. QazAqparat - Jańa maýsymǵa daıyndyq aıasynda «Aqjaıyq» komandasy ýkraınalyq shabýylshymen kelisimshartqa qol qoıdy, dep habarlaıdy «QazAqparat» tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, Eseola Aderınsola (ákesi nıgerııalyq, anasy ýkraınalyq) fýtbol álippesin «Polesede» (Jıtomır) úırengen. 2004-2008 jyldary «Arsenal» (Kıev) klýbynyń mektebinde jattyqty. Oqýyn bitirgennen keıin Ýkraınanyń ekinshi lıgasynda óner kórsetetin TsSKA (Kıev) komandasynda, sosyn 2009 jyly belgili kıevtik klýb «Dınamonyń» qosalqy quramynda oınady. 2010-2013 jyldary Italııanyń D serııasynda «Vırtýsa», «HınterRedjıo-Kalcho», «Vıboneze-Kalcho» jáne «Izola-dı-Kapo-Rıtstsýto" komandalarynda dop tepti. V 2012 jyly Vııaredjo týrnırinde D serııasynyń quramasyna ilikti. 2015 jyly jazda «Desnaǵa» (Chernıgov) aýyssa, bir jyldan keıin Ýkraınanyń birinshi lıgasynda «Arsenal» quramynda 10 gol soqty. Eseolanyń «Aqjaıyqqa» deıingi sońǵy klýby da - osy «Arsenal». Onyń quramynda maýsymnyń birinshi bóliginde qarsylastar qaqpasyna jeti dop engizdi.
Bul - «Aqjaıyqtyń» quramyna alynǵan ekinshi ýkraınalyq fýtbolshy.
Eske sala keteıik, Túrkııada birinshi oqý-jattyǵý jıynyn ótkizip jatqan, ýkraınalyq maman Vladımır Mazıar jattyqtyratyn oraldyq klýb budan buryn Ýkraına eliniń ókili, jartylaı qorǵaýshy Andreı Tkachýkpen kelisimshartqa qol qoıǵan bolatyn.
