«Aqjaıyq» tabıǵı rezervatynda 7-inshi kún órt jalyndap jatyr
ATYRAÝ. QazAqparat – Atyraý oblysynda Kaspıı jaǵalaýyndaǵy «Aqjaıyq» rezervatynda 7-inshi kún órt jalyndaýda, dep habarlaıdy QazAqparat tilshisi.
Óńirdiń Tótenshe jaǵdaılar departamentinen málim etkendeı, búginge deıin órt saldarynan Kaspıı jaǵalaýyndaǵy 10 gektar qamys qopasy janyp ketti. Sondaı-aq jalyn Keńózek aýyldyq okrýgindegi 5 gektar jerdi sharpydy. Órt 22 tamyz kúni osy aýyldyq okrýgte bastalyp, «Aqjaıyq» tabıǵı rezervatyna aýysqan bolatyn.
Tilsiz jaýmen kúreske rezervattyń 15 qyzmetkeri, eki órt sóndirý mashınasy jáne motopompasy bar eki qaıyq jumyldyrylǵan. Batpaqty jerlermen ótý múmkindiginiń joqtyǵy órttiń shyǵý oshaqtaryna jetýge qıyndyq týǵyzýda.
