«Aqjaıyq» pen «Aqtóbe» fanattarynyń qaqtyǵysyna baılanysty tergeý júrgizilýde
ORAL. QazAqparat - Keshe Oralda fýtboldan Qazaqstan kýbogy úshin «Aqjaıyq» pen «Aqtóbe» komandalary arasyndaǵy kezdesýdiń bastalar aldynda Qurmanǵazy men M.Mámetova kósheleriniń qıylysynda eki topqa bólingen jastar (qos klýb fanattary) bir-birimen sózge kelip, qaqtyǵysyp qalǵan bolatyn, dep habarlaıdy QazAqparat tilshisi.
BQO ishki ister departamentinen túsken málimetke qaraǵanda, oqıǵa ornynda 15 adam ustalyp, Abaı polıtsııa bólimine jetkizilgen.
Uryp-soǵý deregi jóninde oblystyq aýrýhananyń jaraqat pýnkti men Abaı polıtsııa bólimine eshkim júginbegen. Degenmen bolǵan oqıǵanyń jaı-japsaryn tolyq tekserý, qaqtyǵysqa qatysqan basqa da kisilerdi anyqtaý maqsatynda atalǵan derek QR QK 293-baby 2-bólimi 1-tarmaǵyna sáıkes sotqa deıingi tergep-tekserýdiń biryńǵaı tizilimine engizildi.
Qazirgi kezde Oral qalalyq ishki ister basqarmasyna qatysty Abaı polıtsııa bóliminiń tergeý bólimi tergeý amaldaryn júrgizýde.
