«Aqjaıyq» memlekettik tabıǵı rezervatyna 5 jylǵa 975 mln teńge bólinedi

ASTANA. QazAqparat – «Aqjaıyq» memlekettik tabıǵı rezervatyna 5 jylǵa 975 mln teńge bólinedi. Bul týraly Májilis depýtattarynyń saýalyna Premer-Mınıstrdiń birinshi orynbasary Roman Sklıardyń jaýabynda aıtylǵan, dep habarlaıdy QazAqparat tilshisi.

«Tótenshe jaǵdaılar mınıstrligi men Ekologııa jáne tabıǵı resýrstar mınıstrligi birlesip, Azamattyq qorǵaý salasyndaǵy 2023-2027 jyldarǵa arnalǵan birinshi kezektegi is-sharalardyń keshendi josparyn (budan ári – keshendi jospar) ázirledi. Orta merzimdi perspektıvaǵa arnalǵan Keshendi jospar halyqty, obektiler men aýmaqtardy Ekologııa jáne tabıǵı resýrstar mınıstrliginiń (orman jáne janýarlar dúnıesi komıteti), sondaı-aq jergilikti atqarýshy organdardyń (tabıǵat qorǵaý bólimsheleri) materıaldyq-tehnıkalyq bazany nyǵaıtýǵa múmkindik beredi», - dedi Roman Sklıar.

Onyń atap ótýinshe, keshendi josparmen tabıǵat qorǵaý jáne orman sharýashylyǵy mekemelerin materıaldyq-tehnıkalyq qamtamasyz etý (arnaıy kólik quraldary men aıla buıymdar, sondaı-aq órtterdi erte anyqtaý júıeleri men órt-baqylaý munaralaryn ornatý arqyly satyp alý) 55 182 084 myń teńgege josparlanǵan. Onyń ishinde ETRM-ge (tabıǵat qorǵaý mekemelerine) - 34 983 747 myń teńge, jergilikti atqarýshy organdarǵa (orman sharýashylyǵy mekemelerine) 20 198 337 myń teńge kózdelgen.

«Aqjaıyq» MTR RMM-ne 2023-2027 jylǵa materıaldyq tehnıkalyq bazasyn jaqsartýǵa 975 760 myń teńge qarajat qarastyrylǵan: 2023 jylǵa 303 943 myń teńge, 2024 jylǵa – 150 356 myń teńge, 2025 jylǵa – 150 356 myń teńge, 2026 jylǵa – 150 698 myń teńge, 2027 jylǵa – 220 407 myń teńge», - dedi birinshi vıtse-premer.