«Aqjaıyq» klýby jańa eki oıynshymen tolyqty
ORAL. QazAqparat - Fýtboldan premer-lıga komandalary arasynda el birinshiliginde óner kórsetetin «Aqjaıyq» jańa eki oıynshymen tolyqty, dep habarlaıdy QazAqparat tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, Aleksandr Volovık pen Sergeı Keılermen kelisimshartqa qol qoıyldy.
Ótken jyly «Aqtóbe» komandasynyń namysyn qorǵaǵan A.Volovık «Aqjaıyq» sapynda «3» nómirmen alańǵa shyqpaq. Al «Qaırat» fýtbol klýby akademııasynyń túlegi, qorǵaýshy S.Keıler «6» nómirmen oınamaq.
Eske sala keteıik, ýkraınalyq maman Vladımır Mazıar jattyqtyratyn oraldyqtar alǵashqy oıynyn 11 naýryzda elordada Qazaqstan chempıony «Astanamen» ótkizedi. Bıyl «Aqjaıyqqa» budan buryn V.Mazıardyń jeti birdeı otandasy alynǵan bolatyn.
