«Aqjaıyq» fýtbol klýbynyń bas bapkeri taǵy bir maýsymǵa qalatyn boldy

ORAL. QazAqparat – Ýkraınalyq maman, «Aqjaıyqtyń» bas bapkeri Vladımır Mazıar klýbpen kelisimshartty kelesi jylǵy maýsymnyń aıaǵyna deıin uzartty, dep habarlaıdy QazAqparat tilshisi.

«Aqjaıyq» fýtbol klýbynyń dırektory Azamat Shaıhynyń málim etkenindeı qazirgi kezde V.Mazıar eńbek demalysyn Ýkraınada ótkizip jatyr.

Jańa maýsymǵa daıyndyq qańtar aıynda bastalmaq. Bıyl el chempıonatyn «Aqjaıyq» toǵyzynshy orynmen qorytyndylaǵany belgili.

«Komanda qaıtadan jasaqtalady. Aldaǵy jyly premer-lıgada budan da joǵary orynǵa ıe bolý úshin bar kúshimizdi salmaqshymyz», - dedi QazAqparat tilshisine A.Shaıhy.

Eske sala keteıik, budan buryn «Kaspıı» men «Aqjaıyqtyń» teń oınaǵanyn jazǵan bolatynbyz.