«Aqjaıyq» fýtbol klýbynyń bas bapkeri qyzmetinen ketti
«Aqjaıyq» fýtbol klýbynyń baspasóz qyzmetinen málim etkenindeı, V.Mazıarmen kelisimshart resmı túrde úzildi.
Oraldyq komanda V.Mazıarǵa alǵysyn bildirip, aldaǵy qyzmetine sáttilik tiledi.
Qazirgi kezde oıynshylardy ýaqytsha qazaqstandyq maman Alekseı Týgýshev jattyqtyrýda. Ol V.Mazıardyń jattyqtyrýshylar shtabynda qyzmet etti.
Eske sala keteıik, budan buryn «Aqjaıyq» fýtbol klýbynyń bas bapkeri ornynda qalatyn bolǵanyn jazǵan edik.
El birinshiliginde Almatyda «Qaırattan» 0:2 esebimen jeńilip qalǵannan keıin ýkraınalyq maman komandadan ketetinin málimdegen edi. Áıtse de fýtbolshylarmen kezdesken soń sheshimin ózgertip, qalatyn bolǵan. Onymen is ońalmady. 8 shilde kúni oraldyqtar Qazaqstan kýbogy úshin Qyzylorda qalasynda ótken oıynda birinshi lıgada óner kórsetetin «Qaısardan» taǵy utyldy.
«Aqjaıyq» el kýbogy úshin kezdesýde 17 shilde kúni óz alańynda Aqtaýdyń «Kaspııin» qabyldaıdy.
Kúni búgin bas bapker izdestirilip jatyr.
Foto: www.instagram.com/fcakzhayik