«Aqjaıyq» fýtbol klýby alǵashqy oqý-jattyǵý jıynyn aıaqtady
ORAL. 31 jeltoqsan. QazAqparat - Fýtboldan Qazaqstan chempıonaty premer-lıgasynda óner kórsetetin Oraldyń «Aqjaıyǵy» jańa maýsymǵa ázirlik barysynda óz alańyndaǵy alǵashqy oqý-jattyǵý jıynyn ótkizdi.
«Aqjaıyq» fýtbol klýbynyń baspasóz hatshysy Arsen Ǵubashevtiń habarlaǵanyndaı, bul jattyǵýǵa qosalqy quramnan birneshe jas oıynshy, sondaı-aq buryn komanda quramynda oınaǵan oraldyqtar Aıbek Ǵubaıdýllın, Eldar Abdrahmanov, Mıhaıl Lıýbımkınder qatysty. Sonymen qatar komandada Qyzylorda fýtbolynyń túlegi, ótken maýsymda kapıtan jeıdesimen shyqqan Qanat Álıev, máskeýlik «Dınamo» klýby akademııasynda sheberligin shyńdaǵan Konstantın Zotov bar. Budan buryn kókshetaýlyq «Oqjetpes» klýbynyń namysyn qorǵaǵan qazaqstandyq jartylaı qorǵaýshy Rýslan Kenetaevty da «Aqjaıyq» synap kórdi. «Aqjaıyqtyń» jas qaqpashysy Stas Pokatılov Qazaqstan jastar quramasyna múshelikke úmitker retinde Astanadaǵy oqý-jattyǵý jıynyna qatysyp qaıtty.
Jańa jylda, atap aıtqanda, 5 qańtarda «Aqjaıyq» sheteldegi alǵashqy oqý-jattyǵý jıynyn ótkizý úshin Antalııaǵa attanady, oǵan komandany ázirge jergilikti jattyqtyrýshy Artýr Avakıants bastap barmaq. Burynǵy legıonerlerden kamerýndyq qorǵaýshy Sadjo Haman ǵana qaldy. Bas bapker men jańa legıonerlerdiń aty-jóni aldaǵy jıynda anyqtalmaq. Bul jıynǵa attanatyn oıynshylardyń aldyn ala tizimi mynadaı: qaqpashylar - Roman Bagaýtdınov, 1992 jylǵy Stas Pokatılov, Andreı Neýpokoev, qorǵaýshylar - Baýyrjan Omarov, Rýslan Qaıyrov, Aslan Kereev, 1992 jylǵy Vladımır Pokatılov, Sadjo Haman, Mıhaıl Lıýbımkın, Qanat Álıev, jartylaı qorǵaýshylar - Sergeı Shevtsov, Ivan Antıpov, 1992 jylǵy Azamat Hasanov, Rýslan Valıýllın, Erkin Tapalov, Іzim Sársekenov, Eldar Abdrahmanov, Aıbek Ǵubaıdýllın, Konstantın Zotov, shabýylshylar - Nıkolaı Zabrodın, Alekseı Maltsev, 1992 jylǵy Rınat Qasymgereev, 1992 jylǵy Azamat Álishev.
