«Aqjaıyq» fýtbol klýby 2,4 mln teńgege baǵalanyp, satylymǵa qoıyldy
ORAL. QazAqparat - «Aqjaıyq» fýtbol klýby 2,4 mln teńgege baǵalanyp, satylymǵa qoıyldy. Bul týraly búgin oblystyq dene shynyqtyrý jáne sport basqarmasynda málim etildi, dep habarlaıdy «QazAqparat» tilshisi.
Baǵalaý jumystaryn oblystyq qarjy basqarmasy júrgizdi.
«Satylymǵa tek komanda men fýtbol ortalyǵy ǵana qoıyldy. Al stadıon, ǵımarat, arnaıy tehnıka, kólikter memleket ıeliginde bolady. Jalpy Oralda stadıondardy qazirgi zamanǵy talaptarǵa sáıkestendirý, osy sport túrin keńinen damytý, jergilikti fýtbolshylarǵa jaǵdaı jasaý baǵytynda sharalar qolǵa alynady», - dedi basqarma basshysy Ásııa Amanbaeva.
Aıta keteıik, budan buryn klýb 2015 jyly alǵash ret satylymǵa shyǵarylyp, qatysýshy bolmaǵandyqtan, ótpeı qalǵan edi.
Fýtboldan premer-lıga komandalary arasyndaǵy Qazaqstan chempıonatynda Oraldyń «Aqjaıyǵy» qazirgi kezde týrnır kestesinde 13 upaımen segizinshi orynda keledi.
