«Aqjaıyq» tabıǵı rezervatyndaǵy órtke adam faktorynyń áseri bolýy múmkin

ATYRAÝ. KAZINFORM – Atyraý oblysynda «Aqjaıyq» tabıǵı rezervatyndaǵy qamys órtiniń naqty sebebi anyqtalmady. Biraq adam faktorynyń áseri bolýy múmkin ekenin joqqa shyǵarylmady. 

Atyraý oblystyq tótenshe jaǵdaılar departamentiniń bastyǵy Nurlan Jańabaev osyndaı pikirimen bólisti.

– Qamys órtiniń boljamdy sebebi – adamı faktor. Osy kezge deıin órttiń ózdiginen tutanatyndaı aýa-raıy ystyq ta, naızaǵaı da bolǵan joq. Qazir jınaqtalǵan materıaldar polıtsııa departamentine joldanady, - deıdi Nurlan Jańabaev.

Onyń aıtýynsha, keshe keshkisin órt sharpyǵan aýmaq shamammen 1515 gektarǵa jetken. Keshe keshke deıin «Qazavıaspas» mekemesiniń MI-8 tikushaǵymen 12 tonna sý tógilgen. 

Qamys órtin sóndirýge 150-ge jýyq adam, 50-ge tarta tehnıka tartylǵan.

Eske sala ketelik, Atyraýda «Aqjaıyq» tabıǵı rezervatyndaǵy qamys órti áli tolyq sónbegenin jazǵan edik. 

«Aqjaıyq» rezervatyndaǵy ahýal baqylaý munaralarynan tikeleı kórsetile bastady. Sondaı-aq 50 gektarda qamys órti sóndirilip jatqanyn jazǵan edik.