«Aqjaıyq» rezervatyndaǵy qamys órtin sóndirýge 15 tehnıka jumyldyryldy
ATYRAÝ. KAZINFORM – «Aqjaıyq» memlekettik tabıǵı rezervaty respýblıkalyq memlekettik mekemesi aýmaǵynyń 26-kvartalynan 30 sáýir saǵat 17:03-te órt anyqtalǵan. Saǵat 20:00-degi derek boıynsha jalyn shamamen 12 gektar aýmaqty sharpyǵan.
Órttiń neden shyqqany anyqtalý ústinde. Sóndirý jumystary saǵat 18:33-te bastaldy. Jumysqa «Aqjaıyq» rezervatynyń kúshteri men quraldary, oblystyq tótenshe jaǵdaılar departamenti bólimshelerinen 47 adam men 15 tehnıka jumyldyryldy.
Órtti tolyqtaı aýyzdyqtaý jumysy jalǵasyp jatyr.
- Ashyq órt oshaqtaryndaǵy ot óshirildi. Eldimekenderge qaýip tónip turǵan joq. Jaǵdaıdy jedel qyzmetter baqylaýda ustap otyr, - dep habarlady Atyraý oblysynyń óńirlik kommýnıkatsııalar qyzmeti.
Buǵan deıin 1 sáýirden bastap QR Ekologııa jáne tabıǵı resýrstar mınıstrliginiń Respýblıkalyq jedel basqarý ortalyǵynda kúndelikti kezekshilik uıymdastyrylyp, qajet bolǵan jaǵdaıda táýlik boıy jumys isteý rejımine kóshý múmkindigi qarastyrylatynyn jazǵan edik.
