22:12, 31 Shilde 2025 | GMT +5
«Aqjaıyq» memlekettik tabıǵı rezervatyndaǵy qustardyń ólimine baılanysty zertteý nátıjesi shyqty
ATYRAÝ. KAZINFORM – «Aqjaıyq» memlekettik tabıǵı rezervatynda óli kúıinde tabylǵan qustardan juqpaly aýrý belgileri anyqtalmaǵan.
– 2025 jyly 20 shildede Shalyga aralynda tabylǵan 3 óli shaǵala qustarynyń úlgisin Veterınarııa boıynsha ulttyq referenttik ortalyqqa joldanyp, zerthanalyq taldaý júrgizildi. 22.07.2025 j. №1-S25W-181/B- -02-01 hattamasyna sáıkes, juqpaly aýrý belgileri anyqtalmady, - delingen habarlamada.
23 shildede rezervat mamandary jáne ýákiletti organdar birlesip, qus ólekselerin veterınarııalyq tártippen joıdy.
Qustarǵa qatysty baqylaý jumystary turaqty túrde jalǵasyp jatyr.
Buǵan deıin «Aqjaıyq» memlekettik tabıǵı rezervatynda qustardyń neden qyrylǵany anyqtalyp jatqanyn jazǵan edik.