Aqjaıyq memlekettik tabıǵı rezervatynda aqquıryqty sýbúrkit vıdeoǵa túsip qaldy
ASTANA. KAZINFORM - Aqjaıyq aspanyndaǵy aqquıryqty sýbúrkit Keıde tabıǵat kútpegen jerden erekshe bir sát syılaıdy. Ony tek baıqap úlgerý kerek.
QR Ekologııa jáne tabıǵı resýrstar mınıstrligi baspasóz qyzmetiniń habarlaýynsha, Aqjaıyq memlekettik tabıǵı rezervatynda memlekettik ınspektor kezekti týrısterdi qabyldaý kezinde aspanda erkin qalyqtaǵan aqquıryqty sýbúrkitti vıdeoǵa túsirip aldy.
Qanatyn keń jaıyp, kók júzinde qalyqtaǵan qustyń kórinisi sol sátte rezervatqa kelgen qonaqtarǵa da erekshe áser syılady. Tabıǵatty tamashalaýdyń eń ádemi tusy da osynda — aldyńnan ne kezdesetinin eshqashan bilmeısiń.
-Osyndaı sátter tabıǵatty ne úshin qorǵaıtynymyzdy únsiz-aq eske salady. Aspanda qus erkin qalyqtap, tabıǵat óz qalpynda tirshilik ete alýy úshin. Bir sáttik kezdesý. Este uzaq qalatyn kórinis,-delingen habarlamada.
Osyǵan deıin Jońǵar Alataýynda taýtekeler fototuzaqqa túsip qalǵan bolatyn.
