Aqjarqyn Turlybaı advokattardan kitap ákep berýdi ótindi

GÝANChJOÝ. QazAqparat - Gýanchjoý qalasyndaǵy tergeý ızolıatorynda otyrǵan Aqjarqyn Turlybaı advokattardan Stıven Hokıngtiń «Ýaqyttyń qysqasha tarıhy» jáne Gerbert Ýellstyń «Ýaqyt mashınasy» kitaptaryn ákep berýdi ótingen, dep habarlaıdy Qytaıdaǵy QazAqparat tilshisi.

«Aqjarqyn Turlybaı S.Hokıngtiń «Brief history of time» jáne G.Ýellstyń  «The Time Machine» kitaptaryn ákep berýdi surady. Men ol kitaptardy tabýǵa jáne 1 aı ishinde jetkizýge tyrysamyn», - dedi QazAqparat tilshisine bergen suhbatta «Rainmaker» zańgerlik kompanııasynyń ókili, advokat Sıao Chjande.

 

Eske sala ketsek, 21 jastaǵy  qazaq qyzy Aqjarqyn Turlybaı 2014 jyldyń naýryz aıynda Qytaıdyń Malaızııamen shekarasynda esirtkimen ustalǵan bolatyn.  Onyń júk sómkesinen 4,5 keli esirtki tabyldy, Aqjarqyn ol týraly bilmeıtinin málimdegen. Osy is boıynsha Qytaıdyń Gýanchjoý soty Aqjarqyn Turlybaıdy esirtki kontrabandasymen aıyptap, ómir boıyna bas bostandyǵynan aıyrdy. Keıinirek, esirtki quraldarynyń, psıhotroptyq zattardyń jáne olardyń prekýrsorlarynyń zańsyz aınalymyna qarsy kúres jónindegi ortalyqazııalyq aımaqtyq aqparattyq ortalyq qyzdyń nıgerııalyq narkomafııa qurbany bolǵanyn habarlady. 2016 jyly  7 sáýirde apellıatsııalyq satydaǵy sot  Aqjarqyn Turlybaıdyń ómir boıyna bas bostandyǵynan aıyrý jazasyn ózgertý jáne isti birinshi satydaǵy sottyń qaraýyna jiberý týraly qaýly etti. 2016 jyly 2 qarashada QHR Gýandýn provıntsııasy Gýanchjoý qalasynyń birinshi satydaǵy sotynda Aqjarqyn Turlybaıdyń isin qaıta qaraý bastaldy, onda Aqjarqyn jylap jiberdi.

Advokattar sot sheshiminen keıin jigerlene tústi.