Aqjarqyn Turlybaevaǵa qashan úkim shyǵarylatyny áli belgisiz
BEIJІŃ-GÝANChJOÝ. QazAqparat - Qytaıda esirtki kontrabandasy úshin aıyptalyp, túrmede otyrǵan qazaqstandyq Aqjarqyn Turlybaeva isi boıynsha sheshimdi jarııalaý merzimi áli de belgisiz, dep habarlaıdy Qytaıdaǵy «QazAqparat» HAA menshikti tilshisi.
17 mamyrda Gýanchjoý qalasynyń №1 tergeý ızolıatorynda QHR-daǵy QR Elshiliginiń konsýldyq bóliminiń qyzmetkeri Asylbek Býtın qazaqstandyq boıjetkenmen kezdesti.
«Aqjarqyn isi boıynsha sot alqasy sheshimin jarııalaý merzimi anyqtalǵan joq. Kezdesýdiń basty maqsaty A. Turlybaevanyń tamaqtaný, eńbek pen demalys jaǵdaıyn bilý boldy. Onyń aıtýynsha, tamaq jaqsy, qytaı taǵamyna úırenip ketken. Ol kúndiz qolǵaptardy býyp-túıýmen aınalysyp, bos ýaqytynda qytaı ıeroglıfin úırenip, Qytaı teledıdarynan jańalyqtar kóredi eken. Aqjarqyn qytaı tilin jetik meńgeripti», - dedi A. Býtın «QazAqparatqa» bergen suhbatynda.
Sondaı-aq dıplomat A. Turlybaevanyń Qytaıdyń qylmystyq kodeksin oqyp, abaqty kitaphanasyndaǵy aǵylshyn tilindegi barlyq kitaptaryn qaıta qarap shyqqandyǵyn aıttyp berdi. Kezdesýde Aqjarqyndy Qazaqstan týraly jańalyqtar qyzyqtyrǵan.
«Oǵan týystarynyń ystyq sálemin jetkizdim, densaýlyǵyńdy kút dedim. Aqjarqyn EKSPO jańalyqtary, Ilıa Ilınniń taǵdyry týraly surady», - dedi Asylbek Býtın.
