Aqjarqyn Turlybaıdyń Qazaqstanǵa qaıtarylǵany ras pa – SІM jaýaby
ASTANA. KAZINFORM – Syrtqy ister mınıstrliginiń resmı ókili Aıbek Smadııarov áleýmettik jelidegi Aqjarqyn Turlybaıdyń Qazaqstanǵa qaıtarylǵany týraly aqparatqa oraı pikir bildirdi.
Búgin vedomstvoda ótken aptalyq brıfıng barysynda BAQ ókilderi resmı ókilden: «Áleýmettik jelide Aqjarqyn Turlybaı Qazaqstanǵa oraldy degen aqparat jarııalandy. Bul qanshalyqty ras?» - dep suraǵan edi. Aıbek Smadııarov ol aqparattyń jalǵan ekendigin atap ótti.
«Bizde mundaı aqparat joq. Ol rastalmaǵan. Siz Tik Tok-taǵy aqparatty aıtyp turǵan shyǵarsyz. Onda neshe túrli málimet jarııalanada beredi», - dedi ol.
Esterińizge sala ketsek, 2019 jylǵy 27 jeltoqsanda Gýanchjoý sotynda esirtki zattaryn tasymaldaý isi boıynsha aıyptalǵan Qazaqstan Respýblıkasynyń azamaty Aqjarqyn Turlybaıǵa qatysty úkim jarııalandy. Qytaı soty ómir boıy bas bostandyǵynan aıyrý týraly úkimdi ózgerissiz qaldyrdy.
