Aqjal kentinde kelispeýshilik saldarynan qarsylasyna oq atqan 23 jastaǵy azamat ustaldy
ASTANA. 27 qyrkúıek. QazAqparat - Qaraǵandylyq polıtseıler shet aýdanynda bolǵan aýyr qylmysty «izin sýytpaı» ashty.
Aqjal kentinde úılerdiń biriniń mańaıynda belgisiz adam «Mazda-626» avtomashınasynan 26 jastaǵy jigittiń ıyǵyna qarýdan oq atyp jaraqattap, jasyrynǵan. Bul týraly QR ІІM málimetterinde habarlanǵan.
Kúdiktini quryqtaý úshin polıtsııa qyzmetkerleri «Ustaý» josparyn engizdi, nátıjesinde ýaqytsha ustaý abaqtysyna 23 jastaǵy jergilikti turǵyn qamaýǵa alyndy. Ol qylmysty jeke kelispeýshilik nıetinen jasaǵanyn moıyndady. Ony ustaý kezinde odan 16-kalıbrli sholaq myltyq tárkilendi.
Densaýlyqqa qasaqana aýyr zııan keltirý faktisi boıynsha qylmystyq is qozǵaldy. Tárkilengen sholaq myltyq ballıstıkalyq saraptamaǵa jiberildi.
