Aqyshevtyń orynbasary Nazarbaev beınelengen kýpıýra jaıynda búgin ǵana bilgen
ASTANA. QazAqparat - QR Ulttyq banki tóraǵasynyń orynbasary Alpysbaı Axmetovtyń aıtýynsha, Prezıdent Nursultan Nazarbaev beınelengen jańa 10 000 teńgelik kýpıýranyń daıarlaý jumysy qupııada saqtalyp kelgen.
Sondyqtan ol atalǵan banknotty búgin ǵana kórip otyrǵanyn jetkizdi, dep xabarlaıdy QazAqparat.
"Men on myń teńgelik kýpıýranyń shyǵarylatynyn estigenmin. Biraq dızaınyn búgin ǵana kórip otyrmyn. Onda Prezıdentimizdiń sýreti beınelenetinin bilgen de joqpyn. Bári qupııa boldy ǵoı. Jańa kýpıýrany búgin ǵana sizdermen birge kórip jatyrmyn", - dedi A.Axmetov QazAqparat tilshisine bergen suxbatynda.
Onyń aıtýynsha, jańa banknottardy shyǵarý jumysyna bank tóraǵasynyń ózge orynbasary - Dına Ǵalıeva jaýapty bolǵan.
Aıta keteıik, búgin Astanada ótken "Qazaqstan Táýelsizdigine 25 jyl: ulttyq valıýta" taqyrybyndaǵy konferentsııada Ulttyq bank tóraǵasy Danııar Aqyshevtyń Memleket basshysy Nursultan Nazarbaev beınelengen jańa meıtoılyq 10 000 teńgeni tanystyrdy. Onyń aıtýynsha, jańa kýpıýra jeltoqsannyń 1-i - Tuńǵysh Prezıdent kúnine oraı shekteýli taralymmen bastyrylady.
Ol aqshanyń naqty taralymy jaıynda qolma-qol aqsha basqarmasynyń bastyǵy Toǵjan Ábisheva aıtyp berdi.
Sondaı-aq búgingi shara aıasynda 5 000 teńgeniń mereıtoılyq monetasy tanystyryldy.
