Aqyshev: Ulttyq banktiń valıýtalyq naryqqa qatysýy azaıdy
ALMATY. QazAqparat - QR Ulttyq bankiniń valıýtalyq naryqqa qatysýy azaıdy. Bul týraly RBK telearnasyna bergen suhbatynda bank basshysy Danııar Aqyshev habarlady.
«Halyqaralyq valıýta qorynyń ustanymyn bilemin. Qazir olar Qazaqstanda erkin aınalym bar ekenin moıyndaıdy, biraq Ulttyq bank naryqqa qatysyp, áli de aýytqýdy retteýde. Iá, shynymen, mundaı bar, biz ınterventsııa mólsherin jarııalaımyz, muny 2016 jylǵy qańtardan bastap aı saıyn júzege asyra bastadyq», - dedi Danııar Aqyshev.
Onyń aıtýynsha, jarııalanymda kórinip turǵandaı, Ulttyq banktiń valıýtalyq saýda-sattyqqa qatysýy azaıyp keledi.
«Eger naryqqa qatysýymyz úshten bir bólikten assa, onda qalaı bolǵanda da ózimizdiń yńǵaıymyzǵa qaraı baǵamdy ózgertemiz deýge bolatyn edi. Alaıda jekelegen aılardaǵy bizdiń qatysýymyz eki paıyz, keıde - 10 paıyz ǵana. ıAǵnı bul óte az. Bul Ulttyq banktiń qatysýy negizgi bolǵan 2014-2015 jyldardaǵy devalvatsııalyq boljamdar kezeńimen salystyrǵanda, alǵa basqan úlken qadam», - dedi bankır.
Danııar Aqyshev mundaı «shaǵyn» naryqta usynystar men suranystar joq kezde baǵam aýytqyp otyratynyn atap ótti.
