Aqyshev: Teńge men rýblge munaı baǵasyndaǵy ózgerister áser etedi
Bul týraly RBK telearnasyna bergen suhbatynda QR Ulttyq bankiniń tóraǵasy Danııar Aqyshev málim etti.
«Qazaqstan men Reseı munaı eskportynyń joǵary úlesimen eksporttyq negizdelgen elder retinde jalpy syrtqy saýdadaǵy bul baǵyttaǵy aýytqýlarǵa táýeldi bolatyn sekildi. Árıne, munaı bizge yqpal etýin doǵardy dep ózimizdi jubatýǵa bolady, alaıda meniń oıymsha, aýytqý amplıtýdasy qazirgi kezde baıqalýda jáne trend te aıqyndalmady. Ol qandaı da bir dıapazonda qalqyp turǵandyqtan, barlyǵy osy úrdiske kóndigip qaldy. Eger de munaıǵa baǵa boıynsha kenetten nemese aıtarlyqtaı turaqty qımyl bastalsa, onda qazaqstandyq teńge men reseılik rýbl bul ózgeristerge qaraı áreket etedi»,-dedi QR UB Tóraǵasy Danııar Aqyshev
Sonymen qatar ol valıýtalyq naryqta baǵanyń qalyptasýyna áser etetin negizgi faktorlarǵa toqtaldy. Bul rette D. Aqyshev munaı baǵasy, saýda-sattyq baǵytynda seriktes elderdegi valıýta baǵamy yqpal etip otyrǵanyn sóz etti.
