Aqyshev qaı bankter qarjylyq kómekke ıe bolǵanyn aıtty
ASTANA. QazAqparat - QR Ulttyq bankiniń tóraǵasy Danııar Aqyshev ekinshi deńgeıli bankterdiń arasynda qaısylaryna qarjylyq kómek jasalǵanyn aıtyp berdi, dep habarlaıdy QazAqparat.
«Baǵdarlamaǵa ótinim bergen tórt bank 410 mlrd teńge aldy. Olardyń arasynda Eýrazııalyq bank, Tsesnabank, Bank Tsentrkredıt jáne ATF bank bar»,-dedi UB basshysy Májilistegi jalpy otyrys barysynda tilshiler saýalyna jaýap berý kezinde.
Onyń sózine qaraǵanda, atalǵan bankter bul qarjyny teńdeı kólemde emes, ıaǵnı problemalyq portfeldiń deńgeıine qaraı qol jetkizdi.
Budan buryn QR Ulttyq banki qarjylyq turaqtylyqty arttyrý baǵdarlamasyna qatysýshy iri bankterge 500 mlrd teńge qaryz beretini habarlanǵan edi.
