Aqyshev el ekonomıkasyn dollarsyzdandyrýdyń nátıjesin jarııalady
ASTANA. QazAqparat - QR Ulttyq bankiniń tóraǵasy Danııar Aqyshev teńgelik aktıvterge halyq tarabynan senimniń nyǵaıa túskendigin atap ótti.
Ol bul jaıynda búgin QR Ulttyq banki janyndaǵy aqsha-nesıe saıasaty jónindegi tehnıkalyq komıtettiń qorytyndy otyrysynda málimdedi, dep habarlaıdy QazAqparat.
QR Ulttyq banki basshysynyń málimetinshe, 2016 jylǵy depozıtter 3,3 trln. (66,4 paıyz) teńgege artyp, sheteldik valıýtada 1,1 trln. (9,9 paıyz) teńgege tómendegen.
Munan bólek, Aqyshev depozıtter qurylymynda ózgerister oryn alǵanyn da atap ótti. Máselen, depozıtterdi dollarsyzdandyrý 2016 jylǵy qańtardaǵy eń joǵarǵy 70 paıyzdan 2016 jyldyń jeltoqsanynda 54,6 paıyzǵa deıin tómen túsken. Zańdy tulǵalardyń teńge túrindegi depozıtteri is júzinde sheteldik valıýtamen teńesken. Jeke tulǵalar depozıtteriniń úlesinde sheteldik valıýta da 62 paıyzǵa kemigen.
Danııar Aqyshevtiń atap ótýinshe, Qazaqstandaǵy dollarsyzdandyrý nátıjesin teńdessiz dep ataýǵa bolady. Bul rette ol ózge elderdiń dollarsyzdandyrýǵa birneshe jyl jumsaǵandyǵyn basa aıtty.
