Aqyrzamannan qaýiptengen IT-mıllıonerler býnkerler men qarýlar satyp alýda
ASTANA. QazAqparat - Kremnıı alqabynyń IT-mıllıonerleri aqyrzamanǵa aldyn ala qamdanýda, olar qarý-jaraq, oq-dáriler, mototsıklder men jerasty býnkerlerin satyp alýda, dep jazdy The Independent gazeti.
Atap aıtqanda, LinkedIn áleýmettik jelisin qurýshylardyń biri Rıd Hoffman Kalıfornııa baılarynyń teń jartysy aqyrzamanǵa belsendi túrde daıyndalyp jatyr dep esepteıdi.
«RIA Novostı» agenttiginiń habarlaýynsha, Facebook-tyń ónim boıynsha burynǵy menedjeri Antonıo Garsııa Martınes Tynyq muhıtyndaǵy araldan jer alyp, kún batareıalarymen jabdyqtalǵan úı turǵyzǵan. Sondaı-aq qarý-jaraq satyp alǵan.
Reddit-tiń buryńǵy bas dırektorynyń pikirinshe, býnkerlerdi jabdyqtaýǵa ketken shyǵyn óz-ózin aqtaıtyn bolady.
Basylymnyń jazýynsha, aldyńǵy qatarly IT-mamandar jasandy aqyldan qatty qorqady. Bolashaqta «aqyldy quraldar» kóptegen jumys ornyna ıe bolyp, adamzatqa qarsy búlik shyǵarýy múmkin, dep jazdy The Independent.
