Aqyrzaman týraly boljamdy arheologtar joqqa shyǵarýda
ASTANA. 12 mamyr. QazAqparat - Amerıkalyq arheologtar Gvatemalada maııa taıpasynyń taǵy bir kúntizbesin taýyp, aqyr zaman týraly boljamdy joqqa shyǵarýda, dep jazady BAQ.kz «Habar» agenttigine silteme jasap.
Osydan buryn maııa kúntizbesinde aqyrzaman 2012 jyly bolady dep jazylǵan dep aıtylyp kelgen.
Al endi dál osy maııa taıpasynyń basqa bir kúntizbesi bul boljamdy joqqa shyǵaryp otyr. Kúntizbe aspan shyraqtarynyń qozǵalysyna negizdelgen. Aıta keter jaıt, maııanyń jańadan tabylǵan kúntizbesi men osyǵan deıingi kúntizbe arasynda uqsastyqtar bar. Al basty aıyrmashylyq - osy jyly aqyr zaman bolaryna eshqandaı silteme joq. Ǵalymdardyń aıtýynsha, maııa kúntizbesinde Kún men Aı jáne juldyzdardyń tsıkldary dál berilgen. Ol negizinen dinı rásimderge jáne juldyznamalar jasaýǵa paıdalanylýy múmkin delinedi. Ǵalymdar maııa halqy dúnıeniń sheksizdigine sengenin aıtady.
