Aqyn, sazger Ákim Ysqaqtyń 50 jyldyq mereıtoıyna arnalǵan shyǵarmashylyq kesh ótedi
ASTANA. Qyrkúıektiń 9-y. QazAqparat. Qazaqstan Respýblıkasy Prezıdenttik mádenıet ortalaǵynda 2010 jyldyń 10 qyrkúıeginde saǵat 15.00-de Ákim Ysqaqtyń 50 jyldyq mereıtoıyna arnalǵan shyǵarmashylyq keshi ótedi. Ákim Ysqaq - Birinshi shaqyrylǵan Parlament Májilisiniń depýtaty, tuńǵysh qazaq tilinde jazylǵan «Halyqtyń kóshi-qony týraly» zańynyń avtory, «Jyl adamy-1997» ataǵynyń ıegeri, aqyn, sazger.
Ákim Ysqaq - Qazaqstan parlamentarızminde tuńǵysh qazaq tilinde «Halyqtyń kóshi-qony týraly» zańyn jazǵan depýtat retinde tarıhta aty qalǵan azamat. Osy zańnyń negizinde elimizde Kóshi-qon jáne demografııa jónindegi Agenttik, oblystarda kóshi-qon basqarmalary quryldy. Otanǵa oralý da, járdemaqy da, baspana alý da osy zańmen iske asyp keledi. Búginde alys jáne jaqyn shetelderden 1 mıllıonnan asa qandastarymyz oraldy. Á.Ysqaq Qytaıdan, Mońǵolııadan, Ózbekstannan kelgen júzdegen oralmandardyń azamattyq, páter, bilimalýyna, jumysqa ornalasýyna jáne t.b. jumystaryna tikeleı qamqor boldy.
Á.Ysqaq aqyn, jazýshy, jýrnalıst, sazger, satırık retinde respýblıka jurtshylyǵyna keńinen tanymal. Ol Qazaqstan Jazýshylar odaǵynyń múshesi, 1989 jyly Samarqandta ótken Orta Azııa jáne Qazaqstan jastary óner jáne poezııa festıvaliniń laýreaty, respýblıkalyq «Jiger» festıvaliniń dıplomanty (1985 j), S.Erýbaev atyndaǵy jastar syılyǵynyń laýreaty (1993 j.).
«Lenınshil jasta» jarııalanǵan «Erte eseıgen qyz», «Temir tabyt», «General Sabyr Raqymov», «Asqarovtyń kadry», «Atameken, elim barmysyń?» atty ótkir materıaldary úshin Qazaqstan Jýrnalıster Odaǵy syılyǵynyń laýreaty atandy. (1992j.)
Fılosofııalyq tálim-tárbıege negizdelgen «Júrektegi jazýlar», «Adam izdep júrmin» atty esse kitaptary jasóspirimder men jastardyń súıikti kitabyna aınalyp, birqatar ýnıversıtetter men mektepterde pán esebinde oqytylýda.
Á. Ysqaqtyń ánderi teledıdar men radıoda jıi oryndalyp júr. 2001 jyly Táýelsizdiktiń 10 jyldyǵyna oraı Mádenıet, aqparat jáne qoǵamdyq kelisim mınıstrligi uıymdastyrǵan memlekettik rámizderdi nasıhattaýǵa arnalǵan respýblıkalyq baıqaýda «Kók týdyń jelbiregeni» atty áni laýreat atandy. «Sońǵy vals» áni 2009 jyldyń eń úzdik áni atandy. Budan bólek «Kóńil qymbat», «Ánshi qyz», «Іzdeımin seni», «Baqyt joly», «Umyt», «Elge sálem», «Saǵyndym apa», «Jan áke», «Qazaq tili» jáne t.b ánderi kópshilik qaýymnyń kóńilinen shyǵýda.Sazgerdiń «Kóńil qymbat» (2008j), «Dosyma» (2009j) atty án albomdary jáne «Júrektegi jazýlar» atty jeke DVD dıskisi jaryq kórgen.
Ákim Ysqaq Ordabasy aýdany negizsiz taratylyp bara jatqanda da depýtattyq ókilettigin paıdalanyp aýdandy, Ordabasy ataýyn saqtap qaldy. «Ordabasy aýdanynyń qurmetti azamaty», «Til janashyry-2009» qurmet belgisimen jáne Prezıdenttiń «Alǵys hatymen», Monǵolııanyń «Shyńǵyshan» medalimen marapattalǵan.
Qazakstan komsomoly HVII seziniń delegaty, Qazaqstan LKJO Ortalyq Komıtetiniń bıýro múshesi bolyp saılandy.
Ol ózi bilim alǵan Abaı atyndaǵy orta mektepke qamqorlyq jasap, oqýshylarǵa jyl saıyn óz atyndaǵy stependııany berip keledi. Mektepte bir synyp Á.Ysqaq esimimen atalady.
Búgingi keshte belgili óner sheberleri: Baıǵalı Mombekov, Jubanysh Jeksenuly, Marjan Arapbaeva, Dosymjan Tańatarov, Áıgerim Qalaýbaeva jáne t.b. óner kórsetedi.
Atalǵan is-sharalardy tamashalaýǵa qoǵam qaıratkerleri men elordalyq aqyn-jazýshylar sondaı-aqtelevızııa jáne aqparat quraldary ókilderi shaqyrylyp otyr.
