Aqyn Saılaýhan Jolanov kentaýlyq jastarmen kezdesti
KENTAÝ. QazAqparat – Túrkistan oblysy, Kentaý qalasynda aqyn ári kóptegen músháıralardyń júldegeri Saılaýhan Jolanov jastarmen kezdesti. «Qazaqstandy jyrlaımyn» atty kezdesýge stýdent jastar men oqyrmandar qatysyp, dala shaıyrynyń ómiri men shyǵarmashylyǵymen keńinen tanysty, dep habarlaıdy QazAqparat tilshisi.
Shámshi Qaldaıaqov atyndaǵy mádenıet saraıynda ótken kezdesýde Saılaýhan Jolanov óziniń qarapaıym otbasyda dúnıege kelgenin, mektep jasynan bastap qalam men qaǵazdy janyna serik etip kelgenin aıtyp ótti. Búginde óleńderi «Dala mektebi» degen atpen jyr jınaq bolyp basylyp shyqqan. Jergilikti aqyn jazýshylardy qoldap, olardyń ónerin óskeleń urpaqqa nasıhattaý maqsatynda ótken kezdesýde aqyn óleńderi oqylyp, suraq-jaýappen jalǵasty. Keshtiń basty keıipkeri aldaǵy ýaqytta elge tartý retinde taǵy bir kitapty jaryq shyǵaryp, keń kólemde shyǵarmashylyq keshin ótkizýdi josparlap otyrǵanyn aıtty.Aıta keteıik, Jańaqorǵan aýdanynyń týmasy kóbine dástúr, patrıottyq, rýhanı taqyryptardy oı qozǵap, qalam terbegendi jany súıedi. Sońǵy ýaqytta qoǵamda oryn alyp jatqan jaılardy óleń etip jazyp, qaǵaz betine túsirgen. Jazǵan óleńderi oqyrman kóńilinen oryn alýda. Ol sondaı–aq, «Aqpanda adasqan qyz» poemasynyń avtory. Aqyndyq óner ananyń sútinen, ákeniń qanynan darydy,-deıdi otbasynda on perzenttiń kenjesi. Búginde kóptegen ánderge sóz jazyp, jańa qyrynan tanylyp keledi. Sherhan Álibekov pen birge shyǵarmashylyq baılanys ornatyp, birlesip elge 50-den asa án tartý etken. Ánderin elge tanymal óner juldyzdary oryndap júr. Máselen, «Kıe qonǵan bul shahar», «Kórikti Kentaý» , «Asqaqta asyl armanym»ánderi men terme janyrynda «Ár qazaq meniń jalǵyzym», «Ýaqyt ólshemi» ánderi tyńdarman tarapynan oń baǵalanyp úlgergen.
