Aqyn Nadejda Lýshnıkovaǵa QR Prezıdentiniń «Qurmet» gramotasy tabystaldy

NUR-SULTAN. QazAqparat - Búgin Qazaqstan Respýblıkasynyń Mədenıet jəne sport mınıstri Aqtoty Raıymqulova aıtysker, aqyn, Qazaqstannyń eńbek sińirgen qaıratkeri Nadejda Lýshnıkovaǵa Prezıdent Qasym-Jomart Toqaevtyń «Qurmet» gramotasyn tabystady.

Bul týraly QazAqparat QR Mádenıet jáne sport mınıstrliginiń resmı saıtyna silteme jasap habarlaıdy.

Mınıstr Nadejda Lýshnıkovaǵa zor densaýlyq, shyǵarmashylyq shabyt tilep, jalyndy jyrlarymen ədebıetke úles qosyp kele jatqany úshin alǵys aıtty.

Óz kezeginde ulaǵatty ustaz Memleket basshysyna rızashylyǵyn bildirip, Aqtoty Raıymqulovaǵa «Qazaqtyń bir qyzymyn» kitabyn syıǵa tartty.

Aıta keteıik, Nadejda Lýshnıkovaǵa aqyn, Qyzylordadaǵy M.Mámetova atyndaǵy pedagogıka ýchılışesin, Abaı atyndaǵy Qazaq pedagogıka ınstıtýtynyń fılologııa fakýltetin támamdaǵan.

Eńbek jolyn qazaq tili men qazaq ádebıeti pániniń muǵalimi bolyp bastaǵan. Qyzylorda oblysy «Lenın joly» gazetinde ádebı qyzmetker, «Jazýshy» baspasynda redaktor, aýyl mektepterinde muǵalim boldy. Jastaıynan dombyra tartyp, án oryndaýshylyǵymen, jazba jəne sýyrypsalma aqyndyǵymen tanyldy.

Aqynnyń «Elim meniń», «Kóńil qoshy» atty jeke jyr jınaǵy men «Saǵynarsyńdar meni de», «Qazaqtyń bir qyzymyn» kitaby jaryq kórdi. Al aıtystary «Jyr shashý», «Máńgi kóktem» jınaqtaryna engen.