Aqyn, QR halyq jazýshysy F. Ońǵarsynova 73 jasqa toldy
ASTANA. 25 jeltoqsan. QazAqparat - Qazaqtyń aqyn qyzy, Qazaqstan Respýblıkasy Memlekettik syılyǵynyń laýreaty,
Qazaqstan Respýblıkasynyń halyq jazýshysy Farıza Ońǵarsynova búgin 73 jasqa toldy.
F.Ońǵarsynova Atyraý oblysynda týǵan. Atyraý memlekettik pedagogıka ınstıtýtyn bitirgen. Eńbek jolyn aýyldyq mekteptiń muǵalimi qyzmetinen bastady. 1966-1969 jyldary - «Kommýnıstik eńbek» oblystyq gazetiniń ádebı qyzmetkeri. 1969-1977 jyldary - «Lenınshil jas» («Jas Alash») gazetiniń Atyraý, Aqtóbe, Oral oblystary boıynsha menshikti tilshisi, «Qazaqstan pıoneri» gazetiniń redaktory. 1978 jyly - «Pıoner» jýrnalynyń bas redaktory. Alǵashqy kitaby «Sandýǵash» 1967 jyly jaryq kórdi. «Melodııa», «Bespokoınaıa pora», «Gordoe pokolenıe», «Kógershinderim», «Trevogı», «Ojıdanıe solntsa», «Ozarenıe» jyr jınaqtarynyń, «Bıiktik» ocherkter jınaqtarynyń, «Bizdiń Kámshat» povesiniń, Á.Tájibaev, M.Maqataev, chılı aqyny Pablo Nerýdy shyǵarmashylyqtary týraly ádebı-syn maqalalardyń avtory. S.Vangelıdiń «Prıklıýchenııa Gýgýtse», «Dedýshkın mınıstr» balalarǵa arnalǵan povesterin, S.Kapýtıkıannyń, E.Evtýshenkonyń, R.Kazakovanyń, arab aqyny Ábdýrahman ál-Hamısıdiń óleńderin, P.Nerýdyń kitaptaryn qazaqsha aýdarǵan.
Aqynnyń kóptegen shyǵarmalary shet tilderge aýdarylǵan. Qazaqstan Respýblıkasy Parlamenti Májilisiniń birinshi jáne ekinshi shaqyrylymynyń depýtaty. «Qurmet belgisi», «Parasat» ordenderimen, medaldarmen marapattalǵan.
