«Aqyn» fılminiń álemdik tusaýkeseri Tokıoda ótedi
Atalǵan baıqaý bıylǵy jyldyń qazannyń 30-y men qarashanyń 8-i aralyǵynda Japonııada ótedi.
QR Mádenıet jáne sport mınıstrligi tapsyrysy boıynsha «Ulttyq kınony qoldaý memlekettik ortalyǵy» qoldaýymen Sh.Aımanov atyndaǵy «Qazaqfılm» AQ túsirgen «Aqyn» fılmi Dıdar esimdi moıyndalmaǵan jazýshynyń ómiri týraly baıandaıdy. Fılmniń stsenarııi nemis jazýshysy German Gesseniń «Avtorlyq kesh» jelisi boıynshy jazylǵan.
- «Aqyn» fılmi eń aldymen otandyq kórermenderge arnalǵan. Osynyń aldynda túsirgen meniń basqa fılmderime qaraǵanda, bul týyndyny mazmuny men problematıkasy jaǵynan ulttyq kıno deýge bolady. Fılmde qazaq tili men ádebıetine qatysty problemalar kóterilgen. Alaıda bul kópshilikke ortaq másele, óıtkeni búginde qanshama tilder joıylyp barady, - dedi rejısser Dárejan Ómirbaev.
Aıta ketsek, 1980 jyldan beri ótkizilip kele jatqan Tokyo International Film Festival kınofestıvali Halyqaralyq kınoprodıýserler qaýymdastyǵy federatsııasynyń (FIAPF) tirkeýinen ótken, «A» sanatyndaǵy álemdegi úzdik 15 kınobaıqaýdyń qataryna kiretin bedeldi festıvalderdiń biri.
Bıyl festıvalge qatysýǵa 113 elden 1533 ótinim kelip túsken eken. Nátıjesinde festıvaldiń basty baıqaýyna 15 kınotýyndy iriktelip alynǵan, onyń 10 fılmi alǵash ret kórermenderge usynylatyn bolady. Halyqaralyq qazylar alqasyn aty ańyzǵa aınalǵan frantsýz aktrısasy Izabel ıÝpper basqarady.
Festıvaldiń ashylý saltanatynda amerıkalyq rejısser Klınt Istvýdtyń «Jigitterdiń kóz jasy» atty kartınasy kórsetiletin bolady.
