Aqyn Dúısenbek Naqypovtyń jańa jyr jınaǵy jaryq kórdi
ALMATY. 7 maýsym. QazAqparat /Erbol Azanbek/ - Búgin Almatydaǵy Ulttyq kitaphanada belgili aqyn Dúısenbek Naqypovtyń shyǵarmashylyǵyna arnalǵan «Dúısenbek Naqypovtyń shyǵarmashylyǵy Qazaqstannyń zamanýı ádebıetinde» atty «dóńgelek ústel» ótti.
Basqosýda aqynnyń «Sıren na zakate» atty jańa jyr jınaǵy tanystyryldy.
Dóńgelek ústelge jınalǵan aqyn, jazýshylar men belgili qoǵam qaıratkerleri, aqynnyń shyǵarmashylyǵy jańa kitap jaıly oılarymen bólisti.
«Dúısenbek Naqypov poezııa men prozadaǵy aıtýly tulǵa. Onyń týyndylaryndaǵy fılosofııalyq oılar adamdy erekshe tylsym álemge jeteleıdi»,- deıdi fılologııa ǵylymdarynyń doktory, professor Aslan Jaqsylyqov.
D.Naqypov - belgili aqyn, horeograf-lıbrettashy, stsenarıı jazýshy. 1964 jyly Máskeý akademııalyq horeografııalyq ýchılışesin, 1985 jyly ál-Farabı atyndaǵy QazUÝ-dyń jýrnalıstıka fakýltetin bitirgen. 1964-86 jyldary Abaı atyndaǵy MAOBT solısti, 1989-1991 jyldary Sh.Aımanov atyndaǵy «Qazaqfılm» stýdııasy «Álem» shyǵarmashylyq birlestiginiń redaktory. Qazaqstan horeograftar odaǵynyń tóraǵasy. Alǵashqy «Vecher veka» atty jyr jınaǵy 1995 jyly jaryq kórgen. «Krýg pepla» (2006 j.) jáne «Ten vetra» (2009 j.) atty eki romannan turatyn dılogııanyń avtory. Sonymen birge, birneshe óleńder jınaǵynyń, sonyń ishinde kópshilikke tanymal bolǵan «Pesnı mollıýskı» (2000 j.) kitabynyń avtory.
Dóńgelek ústel barysynda oqyrman qaýymnyń nazaryna QR Ulttyq kitaphanasynyń qorynan aqyn, jazýshy D.Naqypovtyń shyǵarmashylyǵyna arnalǵan «Jańa myńjyldyqtyń aqyny men prozashysy» atty kitap kórmesi usynylady.
