«Aqyn» atty fılmge kastıng jarııalandy
NUR-SULTAN. QazAqparat - Sh.Aımanov atyndaǵy «Qazaqfılm» AQ «Aqyn» atty (jumys boıynsha ataýy) tolyqmetrajdy kórkem fılmdi túsirmek, dep habarlaıdy QazAqparat kınostýdııanyń baspasóz qyzmetine silteme jasap.
Fılmniń rejısseri – Dárejan Ómirbaev.
«German Tesstiń «Shyǵarmashylyq kesh» atty áńgimesiniń jelisi boıynsha túsiriletin týyndy Almatyda turatyn 40 jastaǵy qazaq aqynynyń ómirinen syr shertedi», - delingen habarlamada.
Kınojobaǵa kartınanyń uıymdastyrý qyzmeti kelesi talaptar boıynsha kastıng jarııalady:
- 35-55 jas aralyǵyndaǵy er adamdar;
- 25-35 jas aralyǵyndaǵy áıel adamdar;
- 70-75 jas aralyǵyndaǵy qarııalar;
- 65-70 jas aralyǵyndaǵy áıelder;
- 9-14 jas aralyǵyndaǵy ul balalar men qyzdar.
Kastıng ár dúısenbi kúni «Qazaqfılm» kınostýdııasyndaǵy «PLK» ǵımaratynda (2 qabat, 236 kab.) «Qadam» stýdııasynda ótedi. Jeltoqsannyń 25-ne deıin jalǵasady.
Aıan Bekenuly
