Aqyn Amanhan Álimuly ómirden ozdy

NUR-SULTAN. QazAqparat - Aqyn Amanhan Álimuly ómirden ozdy, dep habarlaıdy QazAqparat tilshisi.

Qazaqstan Jazýshylar odaǵynyń múshesi, «Alash» Halyqaralyq syılyǵynyń laýreaty, belgili aqyn Amanhan Álimuly qazirgi Túrkistan oblysyna qarasty Otyrar aýdanynda dúnıege kelgen. Ál-Farabı atyndaǵy Qazaq ulttyq ýnıversıtetin, Máskeýdegi Búkilodaqtyq M.Gorkıı atyndaǵy Ádebıet ınstıtýtynyń joǵary kýrsyn bitirgen. Respýblıkalyq basylymdarda qyzmet istegen. 2020 jyldyń aqpan aıyna deıin «Aqıqat» jýrnalynyń bas redaktory qyzmetin atqarǵan.

«Kezdesý» (1983), «Janymnyń japyraǵy» (1989), «Aı nury alaqanymda» (1996) jyr jınaqtarynyń avtory. 2019 jyly Arys qalasynyń «Qurmetti azamaty» atanǵan.

foto: turkystan.kz