Aqyn Ádilǵazy Qaıyrbekovtiń «Jandaýa» jyr jınaǵy jaryq kórdi

ASTANA. 18 aqpan. QazAqparat - Halyqaralyq «Alash» syılyǵynyń laýreaty, aqyn Ádilǵazy Qaıyrbekovtiń «Jandaýa» jyr jınaǵy jaryq kórdi. Aqynnyń bul poezııalyq eńbegin Almaty qalasyndaǵy «TST Company» baspasy shyǵaryp otyr.

Ádilǵazy Qaıyrbekovtiń osy jyr kitabyna onyń ár jyldarda jazylǵan óleńderi men tolǵaýlary jáne balladalary toptastyrylǵan. Aıta ketý kerek, «Qara jartas hıkaıasy», «Aq tuma», «Sher-shemen», «Janartaý», «Jeltoqsan jańǵyryǵy» jáne «Qojageldi batyr» atty poemalary engen. Azattyq ańsary, táýelsizdik tynysy ańǵarylyp turatyn jyrlarynyń kórkemdik boıaýy qanyq, ulttyq muraty bıik.

Memlekettik syılyqtyń ıgeri, aqyn Temirhan Medetbek kitapqa jazǵan alǵysózinde tabıǵaty ár tekti aqyndar bolatynyn, árqaısysynyń óz álemi, óz sazy, óz áýeni, óz qoltańbasy bar ekenin aıta kelip: «Mine, sondaı óz álemi ábden qalyptasqan, aýa raıy atmosferasy buzylmastaı bop berik túzilgen aqyndarymyzdyń biri, sóz joq, Ádilǵazy Qaıyrbekov»,- dep jazǵan.