Aqyly joldardyń baǵasyn kim bekitedi
NUR-SULTAN. QazAqparat – Bıyl elimizde 18 baǵyttaǵy jol aqyly qyzmetke kóshedi, dep habarlaıdy QazAqparat tilshisi.
Bul týraly «QazAvtoJol» ulttyq kompanııasy» AQ basqarma tóraǵasynyń orynbasary Arman Júsipov redaktsııanyń saýalyna bergen jaýabynda osylaı aıtty.
«2021 jyly Aqtaý-Beıneý, Atyraý-Dossor-Beıneý-Aqjigit, Qapshaǵaı-Taldyqorǵan, Nur-Sultan-Pavlodar, Pavlodar-RF shekarasy (Ombyǵa), Pavlodar-Semeı-Qalbataý, Taraz-Qaınar, Shymkent- Ózbekstan shekarasy (Tashkentke), Aqtóbe- RF shekarasy (Orynborǵa), Aqtóbe-Oral, Qarabutaq-Qyzylorda, Qostanaı-RF shekarasy (Troıtsk qalasyna), Nur–Sultan-Qostanaı, Oral- RF shekarasy (Samaraǵa), Oral-RF shekarasy (Saratovqa), Shymkent-Qyzylorda, Shymkent-Taraz, Şýchınsk-Petropavl ýchaskeleri aqyly bolady», - dep atap ótti ol.
Ulttyq kompanııa ókili aqyly joldardyń baǵasy áli de bolsa ár shaqyrymǵa 1 teńge kóleminde qalatynyn aıtady.
«Aqyly ýchaskeler boıynsha júrip ótý úshin tólemaqy ólshemderin ýákiletti memlekettik organ - Indýstrııa jáne ınfraqurylymdyq damý mınıstrliginiń Avtomobıl joldary komıteti, basqa memlekettik organdarmen kelise otyryp, bekitedi», - deıdi Arman Júnisov.
