Aqyly joldardy tapsyrý merzimderi únemi keıinge shegeriledi - Bojko
ASTANA. QazAqparat - Parlament Májilisi tóraǵasynyń orynbasary Vladımır Bojko Aýyl sharýashylyǵy mınıstrliginen orman qory ýchaskelerin jol qurylysyna berý sharalaryn jyldamdatýdy talap etti, dep habarlaıdy QazAqparat.
«Repýblıkalyq mańyzy bar joldar boıynsha mańyzdy máseleniń biri - aqy alý júıesin engizý. Sharalar jospary boıynsha bul júıemen 2015 jyly 211 shaqyrym, 2016 jyly - 469, 2017 jyly - 5296, al 2018 jyly taǵy da 480 shaqyrym qamtylýy tıis edi. Degenmen de ońtaıly tájirıbe de bar. Qazirgi kezde «Astana - Şýchınsk» jolynyń 250 shaqyrymy aqyly, bul ýchaskede jyl saıyn 1,5 mlrd teńge jınalýda», - dedi V. Bojko.
Osy oraıda ol bıyl «Qazavtojol» kompanııasy Almaty-Qapshaǵaı, Almaty-Qorǵas, Astana-Temirtaý joldaryna aqyly júıeni engizýdi josparlap otyrǵan eske salyp ótti.
«Osy jumystar erterekte júzege asyrylýy tıis edi. Bul óz kezeginde joldy kútip ustaýǵa qajetti qarjyny jınaýǵa berilgen múmkindik bolatyn. Osy oraıda aqyly ýchaskelerdi iske qosý merzimderi únemi nege keıinge shegerilgeni túsiniksiz bolyp otyr», - dedi depýtat.
Onyń sózine qaraǵanda, 2018 jyl jol qurylysy úshin óte qarbalas ótýde. Bul turǵyda 528 shyqyrymdyq 22 jobany aıaqtaý mindeti belgilengen, sondaı-aq basqa da mańyzdy baǵyttar boıynsha jumystardy jalǵastyrý kerek.
