Aqyly joldarda RFID-tańbalary qalaı ornatylady
NUR-SULTAN. QazAqparat - Aqyly joldarda RFID-tańbalaryn engizý jumystaryn bıyl qyrkúıekte bastaý josparlanyp otyr. Bul týraly «QazAvtoJol» UK» AQ baspasóz qyzmetinen málim etti, dep habarlaıdy QazAqparat tilshisi.
«RFID-tańbalaryn alǵash ornatý aqysyz negizde iske asyrylady. Birinshi kezekte atalǵan tańbalar aqyly jolmen jıi júretinderge beriledi, ıaǵnı joldyń boıyndaǵy eldi mekenderdegi kólikterge, taksıge, avtobýstarǵa japsyrylady», - delingen kompanııanyń málimetinde.
RFID-tańbalar aqy tóleý beketterinde ornatylmaq. Tańbany ornatý men ony júıege tirkeý ýaqyty shamamen 5 mınýtqa deıin sozylady. Bul baǵyttaǵy sharalardy júzege asyrý bıylǵy qyrkúıek aıyna josparlanyp otyr.
«Búginde birinshi kezeńdi iske asyrý aıasynda 80 000 tańba satyp alyndy. Sonymen qatar, esepshotty toltyrýda eshqandaı ózgeris bolmaıdy. ıAǵnı, tólem jasaý memlekettik tirkeý nómiri belgisi boıynsha iske asyrylady», - dep naqtylady «QazAvtoJoldyń» baspasóz qyzmeti.
Budan buryn habarlanǵandaı, Astana men Býrabaı aralyǵyndaǵy aqyly jolda RFID-júıesi testileýden ótkizilgen bolatyn.
Bul tańbalar kóliktiń aldyńǵy áınegine japsyrylady. Júıe táýliktiń kez kelgen ýaqytynda kólik týraly málimetti tolyqtaı sáıkestendirýge jol ashady. Osy oraıda jol aqysy esepteletin beketterde avtokólikti aıtarlyqtaı jyldam tanýǵa múmkindik beriledi. Kólikter tólem alynatyn beketterden esh kedergisiz ótedi
RFID - júıesi - ol ishinde chıp ornatylǵan shaǵyn ǵana zattańba ispettes. «RFID - Radio Frequency Identification», ıaǵnı «radıojıilikti ıdentıfıkatsııa» kezinde ózara málimet almasýǵa bolady. Ondaıda arnaıy qurylǵylar RFID-belgilerge salynǵan aqparatty qashyqtyqta oqı alady. Sóıtip, avtomatty túrde aqy alýǵa múmkindik bar.
