Aqyly joldarda kimderge jeńildik qarastyrylǵan
NUR-SULTAN. QazAqparat – Aqyly joldardy paıdalaný kezinde UOS ardagerlerine jáne olarǵa teńestirilgen tulǵalarǵa jeńildikter berilýi múmkin, dep habarlaıdy QazAqparat tilshisi.
«QazAvtoJol» ulttyq kompanııasy» AQ basqarma tóraǵasynyń orynbasary Arman Júsipov QazAqparat joldaǵan saýalǵa bergen jaýabynda osyndaı málimet usyndy.
«Qazirgi ýaqytta aqyly ýchaskeni paıdalanýshylar úshin abonenttik tólem engizildi. Kólik quraly aqyly ýchaskege irgeles aýdandarda tirkelgen jaǵdaıda, abonenttik tólem 365 kúntizbelik kúnge 1000 teńgeni quraıtyn bolady. Sondaı-aq, UOS ardagerlerine jáne olarǵa teńestirilgen tulǵalarǵa jeńildikter berý týraly usynys engizildi».
Arman Júnisov jol júrý aqysy keıin tólengen jaǵdaıda bekitilgen tarıften 1,5 ese qymbatqa túsetinin aıtady.
«Tólemaqy alýdyń ashyq júıesinde (shlagbaýmdardyń bolmaýy) aldyn ala tóleý jáne odan keıin tóleý júıesi kózdelgen. Bul rette, keıin tólengen jaǵdaıda tarıf qoldanystaǵy tarıftiń 1,5 koeffıtsıentimen alynatyn bolady», - dep jazylǵan resmı jaýapta.
