Aqyly joldar tarıfi qymbattamaıdy - mınıstr

NUR-SULTAN. QazAqparat – Halyq aldyndaǵy eseptik kezdesýinnen keıin BAQ ókilderiniń saýalyna jaýap bergen Indýstrııa jáne ınfraqurylymdyq damý mınıstri Beıbit Atamqulov aqyly joldar tarıfi qymbattamaıtynyn aıtty, dep habarlaıdy QazAqparat tilshisi.

«Qazirgi tarıfti Úkimet 2013 jyly bekitken bolatyn. Sodan beri birneshe devalvatsııa bolsa da, tarıf ózgermedi. Qazirgi tarıf kóliktiń barlyq túri úshin aıtarlyqtaı qolaıly. 2013 jyldan beri aqyly ýchaskeler qoldanylyp keledi. Osyǵan deıin eshqandaı shaǵym túsken joq. Osynyń bári óz kezinde «Atameken» UKP-nyń, salalyq qaýymdastyqtardyń, jol qozǵalysyna qatysýshylardyń maquldaýynan ótken», -dedi mınıstr BAQ ókiliniń suraǵyna bergen jaýabynda.

Vedomstvo basshysy ekinshi tehnıkalyq sanattaǵy joldar tarıfi júk kólikteri úshin jeńildetilgen kórsetkishpen esepteletinin qaıtalap túsindirdi.

«Ekinshi sanattaǵy aqyly joldardyń tarıfi tómendetilgen kórsetkishpen qabyldanady. Іs júzinde ol 40 paıyz tómen bolady. Jeńil kólikter úshin «1 shaqyrymǵa - 1 teńge» tarıfi ózgerissiz qalady. Al aýyr júk kólikteri úshin tarıf koeffıtsıenti tómendeıdi. Onyń mólsheri áli pysyqtalyp jatyr. Áli oǵan jetken de joqpyz. Ókinishke qaraı, ınsaıderlik aqparat tarap ketip otyr. Onyń ózi tekserilmegen de, rastalmaǵan da. Áýeli júk kólik júrgizýshileriniń qulaǵyna jetip, keıin túrli chattarǵa taraǵan», -deıdi Beıbit Atamqulov.

Sondaı-aq, ol tarıf ózgeretin bolsa, áýeli ony ózge memlekettik organdar maquldaıtynyn eskertti.

«Memlekettik organdar maquldap, tıisti agenttikter men «Atameken» oń baǵasyn beredi. Osydan keıin ǵana tarıf mınıstrdiń jarlyǵymen bekitiledi. Oǵan áli jetken joqpyz ǵoı. ıAǵnı, júk kólik ıeleri máreden erte shyǵyp ketken. Olaı isteýge bolmaıdy. Tarıfti ósirý baǵytynda ázirge eshqandaı qozǵalys bolmaıtynyna sendirgim keledi. Ekinshi tehnıkalyq sanattaǵy joldardyń tarıfin tómendetý bolady dep otyrmyz. Biraq mundaı tarıf mamyr aıynan bastap qana qarala bastaǵan», - dedi Beıbit Atamqulov.