Aqyly ekpe kabınetterinde KVI-ge qarsy vaktsına salynbaıdy
NUR-SULTAN. QazAqparat – Aqyly ekpe kabınetterinde KVI-ge qarsy vaktsına salynbaıdy. Nelikten mundaı shekteý baryn búgingi lektorııde QR DSM Sanıtarııalyq-epıdemıologııalyq baqylaý komıtetiniń vaktsınaǵa kónetin ınfektsııalardy baqylaý basqarmasynyń basshysy Nurshaı Ázimbaeva túsindirdi, dep habarlaıdy QazAqparat tilshisi.
«Koronavırýsqa qarsy vaktsınalaý bizdiń eldiń azamattary úshin tegin bolady. Sol sebepti Úkimettiń rezervinen osy maqsatta qarajat bólinedi. Qansha qarajat kerektigi jóninde Qarjy mınıstrligine málimet joldanǵan. Búgin nemese erteń bizdiń elge vaktsınalar jetkizilýi kerek. Vaktsınalaý – memlekettik qurylymdarda, Densaýlyq saqtaý mınıstrliginiń quzyryndaǵy emhanalardyń ekpe kabınetterinde ǵana qoljetimdi ekenin eskerý kerek. ıAǵnı aqyly ekpe kabınetterinde nemese vaktsınalaý klınıkalarynda koronavırýsqa qarsy vaktsına egilmeıdi», - dedi Nurshaı Ázimbaeva Zoom arqyly uıymdastyrylǵan lektorııada.
Basqarma basshysy aqyly ekpe kabınetterinde koronavırýsqa qarsy vaktsına nelikten egilmeıtinin túsindirdi.
«Bir de bir óndirýshi (vaktsınany) jeke qurylymdarmen jumys júrgizbeıdi. ıAǵnı óndirýshilerdiń bári eń aldymen memlekettik qurylymdaǵy emhanalardy vaktsınamen qamtýdy maqsat etedi. Sondyqtan jeke klınıkalar, jeke medıtsınalyq uıymdar óndirýshiden vaktsınany satyp ala almaıdy. Biz vaktsınalaý maqsatynda óte aýqymdy kontıngentti qarastyryp jatyrmyz», - dedi ol.
