​​«Aqyldy urpaq» atty jas ǵalymdar forýmy ótti

NUR-SULTAN. QazAqparat - Búgin elordada Qazaqstan Táýelsizdiginiń 30 jyldyǵyn merekeleý aıasynda onlaın formatta «Aqyldy urpaq» atty jas ǵalymdardyń respýblıkalyq forýmy ótti, dep habarlaıdy QazAqparat.

Іs-sharany Aqparat jáne qoǵamdyq damý mınıstrligi men Bilim jáne ǵylym mınıstrligi birlesip uıymdastyrýdy.

Forýmǵa elimizdiń barlyq óńirlerinen jınalǵan 200-den astam jas ǵalym men zertteýshi, sondaı-aq Aqparat jáne qoǵamdyq damý vıtse-mınıstri Ashat Oralov, QR BǴM Ǵylym komıteti tóraǵasynyń orynbasary Dýman Orynbekov, QR Prezıdenti janyndaǵy jastar saıasaty jónindegi keńestiń, QR BǴM janyndaǵy jas ǵalymdar keńesiniń ókilderi qatysty.

«Búgin munda Táýelsiz Qazaqstanda ósken, jańa oılaý qabileti men damý paradıgmasy bar, óz jetistikteri men tabystary bar jastar jınalǵany mańyzdy. Jastardy, ásirese jas ǵalymdardy, kásipkerlerdi, novatorlardy Elbasy Nursultan Nazarbaev pen Memleket basshysy Qasym-Jomart Toqaev únemi qoldap otyratyndyǵyn atap ótkim keledi», - dedi Ashat Oralov.

Forým barysynda Qazaqstannyń jas ǵalymdary ǵylymnyń túrli salasyndaǵy tájirıbesimen jáne óz salasyndaǵy jetistigimen bólisti. Olardyń qatarynda QazVac otandyq vaktsınasyn ázirleýshilerdiń biri Qýandyq Júginisov.