«Aqyldy eksport 2.0» bıznes-praktıkýmy ótip jatyr
Álisher Mahmýdov semınar qatyýshylaryna qazaqstandyq taýarlar men qyzmetterdi áleýetti satyp alýshylarmen kelissózderdi B2B formatynda ótkizýdi josparlaý jaıy, kelissózshi qandaı daǵdylardy bilý kerektigi, nátıje qandaı bolsa da kelissózdi qalaı durys aıaqtaý qajettigi týraly túsindirdi.
«Eń bastysy B2B kelissózi barysynda Qazaqstandaǵy, Ortalyq Azııadaǵy ahýaldy ǵana emes, álemde ne jaǵdaı oryn alyp jatqanyn jete bilýińiz qajet. Saraptamalyq esep-qısaptardy da jiti túsine bilýińiz mańyzdy. Qajet bolǵan jaǵdaıda, unǵa, bıdaıǵa, kúnbaǵys maıyna qatysty mundaı esep-qısaptardy apta saıyn qadaǵalap otyrǵan jón. Máselen, aqpanda Qazaqsandaǵy kúnbaǵys maıynyń baǵasy 1250-1 300 dollar bolsa, ózderińizge belgili oqıǵalardan keıin 1700 dollarǵa deıin qymbattap ketti. Maıdyń negizgi jetkizýshileri - Ýkraına men Reseı porttary. Qazir Ýkraınada úlken kólemi jınaqtlap qalǵan. Olar 308 dollardan ótkize almaı otyr. Al bizde - 700 dollar. Mundaı mysaldar óte kóp. Mine, osyndaı kezde kelissóz júrgizýshi, satyp alýshy jaǵdaıda naqty bilýi tıis», - dedi Álisher Mahmýdov.
Al Manas Gıjdýanıev pen Dáýren Hasenov qazaqstandyq kompanııalarda ESG ádisterin engizý múmkindigi, jasyl qarjy quraldary jáne olardy «Astana» HQO-da ornalastyrý jaıynda sóz qozǵady.
«Turaqty damý salasyndaǵy jasyl qarjy quraldarynyń naryǵy qarqyndy damyp kele jatyr. 2021 jyly tek jasyl oblıgatsııalardyń jıyndyq kólemi shamamen 523 mlrd, turaqty oblıgatsııalar 200 mlrd, áleýmettik oblıgatsııalar 223 mlrd dollardy qurady», - dedi Manas Gıjdýanıev.
Daýr Chıgambaev semınar barysynda jańa eksporttaýshylar úshin jumysty neden bastaý jáne aqparattyq qaıdan izdeý kerektigin aıtyp, eksport úshin qandaı qujattar qajettigin, kedendik rásimdeýden qalaı ótýge bolatyndyǵyn jan-jaqty túsindirdi.
«Aqyldy eksport 2.0» bıznes-praktıkýmynyń ortasha deńgeıi 2022 jyldyń 1-10 tamyz, tájirıbeli deńgeıi 1-10 qazan kúnderi ótkiziledi. Kóshpeli semınarlar 15 tamyz jáne 15 qazan kúnderine josparlanǵan. Baǵdarlamaǵa qyzyǵýshylyq tanytsańyz kelesi silteme arqyly tirkele alasyz.
«QazTrade» AQ – shıkizattyq emes ónimniń eksportyn damytý men ilgeriletý jónindegi negizgi ınstıtýt sanalady jáne qyzmetter men memlekettik qoldaý is-sharalarynyń keń spektrin usynady.