«Aqyldy» bilezik toq soǵý arqyly jaman ádetterden aryltady
ASTANA. QazAqparat - Stenford ýnıversıtetinin túlegi Manısh Setı jaǵymsyz ádetterden aryltatyn Pavlok degen ataýmen «aqyldy» bilezik óndirisin bastamaqshy. Onyń aıtýynsha, mysaly, bileziktiń ıesi tańerteń belgilengen ýaqytta oıanbasa nemese sportzaldaǵy jattyǵýyna barmaı qalsa, gadjet ıesin qýaty álsiz elektr toǵymen soǵady.
Setı aldymen ony ózi qoldanyp kórgen eken. Sóıtip aqyrynda Pavlok oǵan erte turýdy úıretken. Qoldanýshynyń dostary da arnaıy qosymsha nemese Facebook arqyly belgilengen tapsyrmalardyń oryndalýyn qadaǵalaýǵa múmkinshiligi bar eken. Mysaly qoldanýshy josparlanǵan 10 myń qadamdy oryndamasa, onyń dostary perneni basý arqyly toq soqtyra alady. Qurylǵyny jasaýǵa qajetti qarajatty jınaý boıynsha kraýdfandıngtik kampanııa osy kúzde bastalady. Eger ol sátti ótse, aldaǵy jyldyń basynda Pavlok-ty naryqtap kórip qalýymyz ǵajap emes. Jańa qurylǵy 250 dollardyń mańaıynda bolady dep kútilýde.
