«Aqyldy besiktiń» jańa Smart-terbetkishi qoldanysqa endi
ASTANA. QazAqparat - Astanalyq jas ónertapqysh Serikbol Shaımardan buǵan deıin náreste jylasa ózdiginen terbeletin «aqyldy besik» oılap taýyp, jurtqa tanylǵany málim. Ol osy jetistigimen shektelýdi jón kórmeı, aldyńǵy nusqasynan eki eseden astam arzan baǵamen jańa Smart-terbetkishtiń qoldanysqa engizgenin óziniń facebook-tegi jeke paraqshasynda jarııalady.
«Alashym, endi quttyqtaı berseńizder bolady! Kóp kúttirgen smart-terbetkish te daıyn!» delingen habarlamada.
Ónertapqysh jańa terbetkishtiń mynandaı qasıetterimen bólisedi:
- Náreste jylasa, ózdiginen terbetedi;
- Smart-terbetkish sońǵy ǵylymı jetistikterge negizdelip jasalǵan. Náreste besigin (kereýetin) anasynyń kómeginsiz terbetip, jaıly uıyqtaýyna múmkindik beredi;
- Kez kelgen besik (kereýet) túrin terbetýge qolaıly;
- Elimizdiń aıtýly óner juldyzdarynyń besik jyrymen áldıleıdi;
- Terbelis ýaqytyn ózińiz retteı alasyz;
- Óte tómen kerneýmen (6 volt) jáne batareıkamen jumys isteıdi.
Besik jyrlaryn oryndaǵandar: Meırambek Bespaev, Altynaı Jorabaeva, Ardaq Balajanova, Klara Tólenbaeva, Qaraqat Ábildına, Maıra Muhamedqyzy, Roza Álqoja, Tamara Asar, Tolqyn Zabırovalar.
